ЖКГ паабяцала беларусам «званкі шчасця»

Што яшчэ будзе, калі не аплаціць рахунак своечасова?

За пратэрмінаваныя выплаты па рахунку прадугледжанае пакаранне - ад пені да высялення, распавялі ў прэс-службе МінЖКГ.

Як там растлумачылі, распрацаваны комплекс захадаў для спагнання запазычанасці за ЖКП эфектыўны ў большасці выпадкаў.

Напрыклад, калі не аплачваць «камуналку» месяц, аўтадазвон вам неаднаразова нагадае, што гэта трэба зрабіць. Ужо пры «пратэрміноўцы» на два месяцы наданне паслуг ЖКП будзе прыпыненае, але толькі праз пяць дзён пасля пісьмовага папярэджання, дастаўленага заказным лістом, за які трэба распісацца.

Саму пастанову аб прыпыненні камупаслуг можна абскардзіць у судзе.

Калі грамадзянін не плаціць па рахунках ад трох да шасці месяцаў да папярэдніх захадаў дадаюцца выканаўчыя надпісы, падаюцца пазоўныя заявы ў суд ад абслугоўваючых арганізацый.

«Адным з самых распаўсюджаных спосабаў спагнання запазычанасці можна назваць сталы напамінак аб неабходнасці аплаты за ЖКП з дапамогай аўтадазвону. Як паказвае практыка, грамадзянам непрыемныя такія захады, большасць імкнецца вырашыць пытанне з аплатай за ЖКП ужо на гэтай стадыі», - растлумачылі камунальнікі.

Для таго, каб вярнуцца да звычайнага жыцця, трэба цалкам аплаціць запазычанасць за «камуналку». І тады цягам двух дзён усе паслугі будуць падключаныя нанава. Але, калі не плаціць за ЖКП больш за паўгода, у суд пойдзе пазоўная заява аб высяленні і адчужэнні жылога памяшкання.

Колькі менчукі плацяць за рамонт пад'ездаў, расказалі ўлады

Існы рамонт пад'ездаў - гэта жыллёва-камунальная паслуга, якая фінансуецца за кошт сродкаў жыхароў.

Паводле якога прынцыпу налічваюцца платы, і колькі агулам даводзіцца плаціць жыхарам сталіцы?

Пра гэта распавяла гендырэктарка аб'яднання «Менская гарадская жыллёвая гаспадарка» Марына Тоўсцік, піша агенцтва «Минск-Новости».

З яе слоў, кожны год ЖКГ фармуе планы рамонтаў. Калі пад'езд у дрэнным стане, яго ўключаюць у чаргу.

Звычайна працы займаюць ад аднаго да трох месяцаў. Аднак камунальнікі імкнуцца максімальна скарачаць тэрміны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]