Украінскія байцы адбілі атаку і захапілі расейскага штурмавіка пад Ваўчанскам

Відэа.

Украінскія памежнікі адбілі спробу штурму на Ваўчанскім кірунку і ўзялі ў палон расейскага вайскоўца. Праціўнік панёс страты і быў вымушаны адступіць.

Пра гэта паведамляе Дзяржпагранслужба Украіны.

Чарговую атаку расейскіх акупантаў пад Ваўчанскам адбілі вайскоўцы брыгады Дзяржпамежслужбы «Фарпост».

Як распавялі вайскоўцы, супраціўнік спрабаваў штурмаваць украінскія пазіцыі, аднак пад шчыльным агнём украінскіх абаронцаў быў вымушаны адступіць са стратамі.

«Дзякуючы прафесійным і рашучым дзеянням памежнікаў спроба прарыву скончылася правалам. Падчас бою адзін з расейскіх вайскоўцаў трапіў у палон», - распавялі памежнікі.

Украінскія вайскоўцы здолелі ўстанавіць, што палонны расеец - ураджэнец Курскай вобласці, мае званне прапаршчыка і ўдзельнічаў у штурме ў складзе штурмавога падраздзялення «Шторм Z».

Гэта падраздзяленне фармуюць з асуджаных - палонны раней адбываў пакаранне за дэзерцірства з адной з воінскіх частак УС РФ.

Паспяховую працу воінаў, якая скончылася паланеннем акупанта, Дзяржпагранслужба паказала на відэа.

«У палоне ён падзякаваў украінскім байцам за выратаванае жыццё і нададзеную дапамогу», - распавялі пра штурмавіка памежнікі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]