Расеяц спусціўся ў раку Маскву з плакатам «Пуцін-Гітлер»

Відэа.

У Маскве ў аўторак быў затрыманы актывіст "Нямцова моста" Рыгор Саксонаў. Гэта адбылося пасля таго, як ён з плакатам з надпісам "Putin — Hitler", словам Stop і выявай свастыкі спусціўся ў раку Маскву з Вялікага Маскварэцкага моста, дзе размешчаны народны мемарыял на месцы забойства апазіцыянера Барыса Нямцова.

Шэраг тэлеграм-каналаў паведаміў аб тым, што невядомы скочыў з плакатам у раку. Аднак на відэа, апублічаным SOTAvision, бачна, што актывіст спускаецца ў ваду па вяроўцы.

Baza пасля ўдакладніла, што актывіст быў у гідракасцюме. Па звестках канала, 68-гадовы Саксонаў зрабіў гэта "на спрэчку з таварышам". Да актывіста падплылі паліцыянты на катары і затрымалі. Паводле RusNews, яго павезлі на аўто хуткай дапамогі ў суправаджэнні паліцыі.

Іншыя актывісты "Нямцова моста" пацвердзілі журналістам, што затрыманы быў менавіта Саксонаў. Гэты апазіцыйны актывіст удзельнічае ў падтрыманні народнага мемарыяла на мосце. Яго неаднаразова затрымлівала паліцыя.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]