Украіна атакавала базу расейскіх пілатажных груп, якія ўдзельнічаюць у парадзе на 9 траўня

Пад ударам - «Расейскія Віцязі» і «Стрыжы».

Уночы 7 траўня ўкраінскія беспілотнікі атакавалі два вайсковыя аэрадромы на тэрыторыі Расеі. Пад удар трапілі Шайкоўка ў Калужскай вобласці і Кубінка ў Падмаскоўі, паведамляе Astra са спасылкай на звесткі спадарожнікаў сістэмы маніторынгу пажараў NASA. Атаку на Кубінку пацвердзіў спецыялізаваны на вайсковай авіяцыі z-канал Fighterbomber. Ён адзначыў, што на падмаскоўным аэрадроме грунтуюцца пілатажныя групы «Рускія Віцязі» і «Стрыжы», якія ўдзельнічаюць у Парадзе Перамогі 9 мая. «Спрабуюць сапсаваць нам парад і б'юць па месцах дыслакацыі асабовага складу і тэхнікі», — напісаў Fighterbomber. Пры гэтым ён адзначыў, што на паветранай частцы паказу гэты ўдар «ніяк не адаб'ецца», піша The Moscow Times.

Мінулай ноччу ўкраінскія беспілотнікі таксама атакавалі Тулу і Саранск, дзе пад удары патрапілі вайсковыя заводы. У Туле пад атаку патрапілі АТ «Канструктарскае бюро прыборабудавання» — адно з найбуйнейшых прадпрыемстваў абароннай прамысловасці Расеі, якое займаецца распрацоўкай высокадакладнай кіраванай зброі для наземных войскаў, ваенна-марскога флоту і Паветрана-касмічных сіл.

У Саранску, са звестак Astra, пажар пасля прылёту дрона ўспыхнуў на тэрыторыі прадпрыемства «Оптавалакновыя сістэмы» — першага і адзінага ў Расеі завода для вытворчасці аптычнага валакна. Дарадца міністра ўнутраных спраў Украіны Антон Герашчанка раней адзначаў, што гэта прадпрыемства вырабляе оптавалакновыя кабелі, якія выкарыстоўваюцца для кіравання беспілотнікаў падчас вайны супраць Украіны. Другі пажар адбыўся за некалькі кіламетраў ад першага, як мяркуецца, на машынабудаўнічым прадпрыемстве» «Сарансккабель». Афіцыйных пацвярджэнняў гэтай інфармацыі не было.

Мінабароны РФ не дало звесткі аб колькасці перахопленых і збітых дронаў за апошнюю ноч. Напярэдадні, 6 траўня, над тэрыторыяй Расеі, згодна са зводкай вайсковага ведамства, было збіта амаль дзвесце беспілотнікаў. Праз гэта на працягу дня закрываіся па меншай меры 14 аэрапортаў (шэраг з іх па некалькі разоў): маскоўскія Унукава, Дамадзедава, Жукоўскі і Шарамеццева, у Калузе, Валгаградзе, Саратаве, Самары, Іванаве, Ніжнім Ноўгарадзе, Яраслаўлі, Сочы, Казані і Ніжнекамску. У сувязі з гэтым 6 і 7 траўня ў многіх аэрапортах Цэнтральнай Расеі ўтварыўся хаос. Пасажыры скасаваных або затрыманых рэйсаў гадзінамі сядзяць у будынках авіягаваняў, многія з якіх былі перапоўненыя. Людзі часта скардзяцца на адсутнасць дапамогі з боку авіякампаній, якія не даюць пацярпелым ежу, пітво і начлег.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]