Расейка ехала праз Беларусь у Літву з вялікай сумай грошай

На мяжы яе затрымалі, а валюту-канфіскавалі.

Крымінальную справу за кантрабанду буйной сумы еўра распачалі ў дачыненні да грамадзянкі Расні, паведамілі ў прэс-службе Дзяржаўнага мытнага камітэта (ДМК).

Іншаземка ехала ў Літву праз Беларусь на аўтамабілі Toyota. З сабой яна везла 32 тысячы еўраў. Перад пунктам пропуску "Каменны Лог" яна пакінула сабе толькі 8 тысяч, а больш як 24 тысячы перадала кіроўцу. З іх мужчына пакінуў сабе 7 тысяч, а астатнія грошы схаваў у торбу з асабістымі рэчамі.

Пры праходжанні мяжы пасажырка заявіла, што ў яе адсутнічаюць тавары, якія падлягаюць дэклараванню. Падчас кантролю мытнікі знайшлі ўсю суму.

«Паколькі 32 тысячы еўраў складаюць буйны памер, у дачыненні да грамадзянкі Расеі Гарадзенскай рэгіянальнай мытняй распачатая крымінальная справа паводле прыкмет учынення злачынства, прадугледжанага ч.2 арт. 228 КК (кантрабанда)», — паведамілі ў ДМК.

Да пасановы суда грошы канфіскаваныя. Калі віна жанчыны будзе даведзеная, ёй пагражае штраф, абмежаванне волі або ад двух да пяці гадоў калоніі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]