Украінскія спецслужбы зладзілі дыверсіі супраць УС РФ у Сірыі

Расстралялі самалёт і вывелі з ладу абсталяванне.

Расейскія вайскоўцы ў Сірыі становяцца ахвярамі дыверсій, праз што РФ звярнулася да Сірыі з просьбай прыняць неадкладныя захады, каб гэта спыніць.

Пра гэта піша выданне Defense Express са спасылкай на ўласныя крыніцы.

Так, у Сірыі, нягледзячы на змену ўлады пасля зрынання прэзідэнта Башара Асада, Расея працягвае трымаць там кантынгент і не збіраецца пакідаць авіябазу Хмеймім. Зрэшты, расейцам там неспакойна, бо час ад часу супраць іх невядомыя ладзяць дыверсіі — псуюць вайсковую маёмасць і забіваюць расейскіх жаўнераў.

Як піша Defense Express, РФ звярнулася да новай сірыйскай улады, да Абу Мухамада аль-Джалані, прыняць неадкладныя меры праз дыверсійныя напады ўкраінскіх спецслужбаў на авіябазу Хмеймім. Такія заклікі паступілі да ўладаў Сірыі ў канцы красавіка, калі на авіябазу ў Хмеймім быў учынены шэраг нападаў.

Дзякуючы паспяховым дзеянням украінскіх спецназаўцаў быў выведзены з ладу вузел радыёсувязі і падстанцыя электрасілкавання базы, а 28 красавіка з наяўнага стралковага ўзбраення быў абстраляны расейскі транспартны самалёт Іл-76. У выніку чаго пацверджаная ліквідацыя двух вайскоўцаў РФ, іх дакументы пасля з'явіліся ў сеціве.

Каб абараніць сваю маёмасць у Сірыі РФ паабяцала Дамаску гуманітарную харчовую дапамогу на 5 млн даляраў праз сусветную харчовую праграму ААН.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]