Belavia папярэдзіла пра затрымкі рэйсаў у РФ

У расейскіх аэрапортах здарыўся калапс напярэдадні візіту Лукашэнкі.

Авіякампанія Belavia папярэдзіла пасажыраў пра магчымыя затрымкі рэйсаў, выкліканыя частковым абмежаваннем палётаў у паветранай прасторы цэнтральнай часткі Расеі ў сувязі з атакай беспілотнікаў. Расказваем, у якія гарады трапіць сёння складаней за ўсё.

Як удакладняецца, часовыя захады могуць паўплываць на графік палётаў у найбліжэйшыя дні. Пасажырам, якія ўжо набылі квіткі, рэкамендуецца сачыць за актуальнай інфармацыяй пра свае рэйсы ў раздзеле «Статус бранявання» на афіцыйным сайце авіяперавозніка – belavia.by.

Акрамя таго, Belavia папярэджвае пра магчымыя змены ў раскладзе рэйсаў у сувязі з падрыхтоўкай да параду ў Маскве, прымеркаванага да 80-годдзя Перамогі. Абноўлены расклад даступны ў раздзеле «Табло вылету-прылёту» на галоўнай старонцы сайта.

Пасажырам раяць загадзя правяраць статус рэйсаў перад выездам у аэрапорт.

Мацней за ўсё праз затрымкі церпяць маскоўскія аэрапорты. У Дамадзедаве затрыманыя 80 рэйсаў, яшчэ 28 скасаваныя. Ва Унукаве – 27 рэйсаў адкладзеныя, пасажырам даводзіцца чакаць да 12 гадзінаў. У Шарамеццеве затрыманыя 122 рэйсы, з іх 52 на вылет і 70 на прылёт. Паводле звестак крыніцаў, 82 паветраныя караблі былі перанакіраваныя на запасныя аэрадромы.

Сітуацыя ўскладненая і ў іншых гарадах. У пецярбургскім Пулкаве скасаваныя 16 рэйсаў, самалёты, якія вылятаюць, выстройваюцца ў чарзе на ўзлёт. Парушэнні раскладу зафіксаваныя таксама ў Казані, Сочы, Ніжнім Ноўгарадзе, Екацерынбурзе, Новасібірску і шэрагу іншых рэгіянальных аэрапортаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]