Міжнародныя рэзервы Украіны выраслі да гістарычнага максімуму
1- 7.05.2025, 19:14
- 5,006
Красавіцкі рэкорд.
Міжнародныя рэзервы Украіны на стан 1 траўня 2025 года склалі $46,68 млрд. У красавіку яны выраслі на 10,2 адсотка. Гэта – гістарычны максімум міжнародных рэзерваў Украіны.
Такая дынаміка абумоўленая, з аднаго боку, значнымі аб'ёмамі паступленняў ад міжнародных партнёраў, а з другога, – найменшымі з красавіка 2024 года аб'ёмамі чыстага продажу валюты Нацыянальным банкам на валютным рынку, паведамілі ў НБУ.
У цэлым дынаміку рэзерваў вызначаў шэраг чыннікаў.
Па-першае, паступленні на карысць ураду і выплаты за абслугоўванне і пагашэнне дзяржаўнай пазыкі.
На валютныя рахункі ўраду ў Нацыянальным банку паступіла амаль $6,35 млрд. З іх:
– $ 4,86 млрд – ад Еўрапейскага Звязу ў рамках інструменту Ukraine Facility і ініцыятывы G7 Extraordinary Revenue Acceleration for Ukraine (ERA);
– $ 1,29 млрд – ад міжнародных партнёраў праз рахункі Сусветнага банка;
– $ 192 млн – ад размяшчэння валютных АУДЗ.
Акрамя таго, Украіна атрымала $992 млн у адпаведнасці з пагадненнем паміж Украінай і Вялікай Брытаніяй у рамках ERA. Гэтыя сродкі не былі залічаныя ў міжнародныя рэзервы Украіны ў сувязі з іх абмежаваным (мэтавым) прызначэннем у выкарыстанні.
За абслугоўванне і пагашэнне дзяржаўнай пазыкі ў замежнай валюце выплачана $517,9 млн, з якіх:
– $ 299,2 млн – абслугоўванне і пагашэнне валютных АУДЗ;
– $ 169,3 млн – абслугоўванне і пагашэнне пазыкі перад Сусветным банкам;
– $ 49,4 млн – выплата іншым міжнародным крэдыторам.
Акрамя таго, Украіна заплаціла Міжнароднаму валютнаму фонду $82,1 млн.
Па-другое, аперацыі Нацыянальнага банка на валютным рынку Украіны.
У красавіку ў параўнанні з сакавіком 2025 года чысты продаж валюты НБУ паменшылася на 17, 1%. Паводле балансавых звестак НБУ прадаў на валютным рынку $ 2,2 млрд і выкупіў у рэзервы $ 17,5 млн.
Па-трэцяе, пераацэнка фінансавых інструментаў праз змяненне рынкавага кошту і курсаў валютаў, дзякуючы якому іх кошт павялічыўся на $742,5 млн.
«Бягучы аб'ём міжнародных рэзерваў забяспечвае фінансаванне 5,6 месяца будучага імпарту», – паведамілі ў НБУ.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
