У Варшаўскім універсітэце мужчына з сякерай напаў на людзей

Ён адсек галаву вахцёрцы.

На тэрыторыі Варшаўскага ўніверсітэта мужчына з сякерай напаў на людзей і забіў супрацоўніцу, паведамляе PAP. Ён затрыманы, са звестак СМІ, на месцы злачынства знойдзена адсечаная галава забітай жанчыны.

Інцыдэнт адбыўся а 18.40 7 траўня ў цэнтры польскай сталіцы. Паліцыя паведаміла, што мужчына ўварваўся на тэрыторыю кампуса Варшаўскага ўніверсітэта і напаў на людзей з сякерай.

Адзін чалавек загінуў, другога з цяжкімі траўмамі даставілі ў лякарню.

Як піша RMF 24, ахвярай нападу стала 60-гадовая вахцёрка аднаго з карпусоў універсітэта. Са звестак Polsat і Польскага радыё, на тэрыторыі кампуса была знойдзена яе адсечаная галава. Пацярпелы - ахоўнік універсітэта, які паспрабаваў умяшацца.

Нападнік затрыманы, гэта 22-гадовы грамадзянін Польшчы. Яго матывы пакуль невядомыя.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]