Славакі перадалі «прывітанне» Фіцо перад палётам у Маскву
24- 8.05.2025, 21:45
- 37,362
У аэрапорце з'явіўся гіганцкі банэр.
Грамадзянская ініцыятыва "Мір Украіне” размясціла гіганцкі банер з надпісам “Бывай, Фіцо" на тэрыторыі аэрапорта імя Мілана Расціслава Штэфаніка ў Браціславе, з якога прэм'ер-міністр Славакіі Робэрт Фіцо вылеціць у Маскву.
Пра гэта паведамляе “Еўрапейская праўда”.
Банэр вышынёй 70 метраў немагчыма не заўважыць. Грамадзянская ініцыятыва "мір Украіне” заявіла ў Facebook, што банер “Бывай, Фіцо” з'яўляецца агульным пасланнем грамадскіх ініцыятыў і актывістаў з усёй Славакіі, якія ўжо пяць месяцаў запар настойліва пратэстуюць супраць курсу цяперашняга ўрада Славакіі.
"Гэтым сімвалічным жэстам мы выразна заяўляем пра сваю нязгоду з удзелам Робэрта Фіцо ў вайсковым парадзе рэжыму, які вядзе вайну ва Украіне”, – заявілі арганізатары серыі антыўрадавых пратэстаў.
"Мы саромеемся паводзін і дзеянняў прэм'ер-міністра, з якім мы катэгарычна не згодныя. Славакія - гэта не Фіцо. Славакія - гэта Еўропа!",- дадала грамадзянская ініцыятыва "Мір Украіне".
Арганізатары пратэстаў іранічна заявілі, што Фіцо цяпер, мабыць, вельмі заняты пошукам новага паветранага калідора ў Маскву. Хоць Польшча ў апошнія дні выказала нязгоду з паездкай Фіцо ў Маскву, яна дазволіла спецыяльны рэйс, але Эстонія, а затым і Латвія забаранілі спецыяльны рэйс над сваёй тэрыторыяй у сераду.
Славацкі прэм'ер назваў такую пазіцыю наўмыснай спробай сарваць яго візіт у Маскву і паскардзіўся, што гэта сарве яго праграму на чацвер. "Пратакол робіць усё магчымае, каб знайсці іншы, альтэрнатыўны маршрут, які забяспечыць мне магчымасць правесці чатыры надзвычай важныя двухбаковыя сустрэчы 9 траўня”, – заявіў славацкі прэм'ер.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
