Пуцін не адпусціў Кадырава ў адстаўку

На сустрэчы з кіраўніком Крамля ў яго дрыжалі рукі.

Кіраўнік Чачэніі Рамзан Кадыраў не змог дамагчыся ад Пуціна адстаўкі са сваёй пасады. Абмеркаваць гэтае пытанне ён збіраўся на сустрэчы з дыктатарам РФ 7 траўня, піша The Moscow Times.

"Сёння спытаю ў прэзідэнта. Як скажа, так і будзе. Але чаму не? Мы ўсё зрабілі, усё пабудавалі. А калі што, калі праблемы якія ў кагосьці з'явяцца - вернемся!"- сказаў Кадыраў "Коммерсанту" перад размовай з Пуціным. Падчас самой сустрэчы Кадыраў даў справаздачу аб росце эканомікі Чачэніі, узлёце прамысловай вытворчасці і будаўніцтве, а таксама зніжэнні беспрацоўя. Пры гэтым сваю справаздачу кіраўнік рэспублікі ад пачатку і да канца чытаў з аркушаў паперы, а ягоныя рукі, як звярнулі ўвагу назіральнікі, дрыжалі.

Пасля сустрэчы з Пуціным Кадыраў напісаў, што яму ўдалося абмеркаваць “шэраг важных тэм па-за пратаколам” і атрымаць “поўнае разуменне і падтрымку”. "На заканчэнне Уладзімір Уладзіміравіч, каментуючы апошнія развагі ў Інтэрнэце, зноў працытаваў вядомыя словы Марка Твена: "Паведамленні аб маёй смерці моцна перабольшаныя". Дадаў, што нам яшчэ працаваць і працаваць. Загад Вярхоўнага гетмана выконваю!"- сказаў на заканчэнне Кадыраў.

Да гэтага "Новая газета. Европа" паведаміла аб рэзкім пагаршэнні стану здароўя кіраўніка Чачэніі. Паводле звестак крыніц выдання, Кадыраў перастаў пакідаць рэспубліку і амаль увесь час праводзіць у клініцы «Аймед» у Грозным пад сталым наглядам лекараў, у тым ліку застаецца там на ноч. Выданне сцвярджала, што шэсць гадоў таму ў Кадырава дыягнаставалі некроз падстраўнікавай залозы без надзеі на лячэнне.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]