Не толькі Крэмль: палітолаг патлумачыў, куды 9 траўня могуць ударыць 100 украінскіх ракет
17- 8.05.2025, 16:02
- 11,368
Многія аб'екты засталіся без абароны ад удараў з паветра.
Вайсковы парад 9 траўня на Краснай плошчы каля сцен Крамля ў Маскве можа прайсці пад акампанемент удараў украінскіх ракет і дронаў, бо ў сталіцу краіны-агрэсаркі сагналі сродкі супрацьпаветранай абароны (СПА) з усёй Расеі. Тым самым былі аголены іншыя адчувальныя да ўдараў з паветра аб'екты.
Пра гэта ў эфіры YouTube-канала Telegraf UA распавёў кіроўны партнёр «Нацыянальнай антыкрызіснай групы» Тарас Загародні. Ён растлумачыў, хто будзе выбіраць кірункі нанясення ўдараў.
- Мы павінны зразумець адну рэч: вызначаць, куды біць, у першую чаргу, будзе Генеральны штаб. Ён зыходзіць з магчымасці стратэгічных задач, якія стаяць перад Украінай. Калі яны сцягнулі ў Маскву ўсю СПА, якую толькі магчыма (з Чачэніі, з іншых частак краіны), гэта азначае, што многія аб'екты засталіся без абароны, - кажа палітычны эксперт.
З яго слоў, з пункту гледжання вайны больш разумна было б знішчаць пакінутую без абароны нафтагазавую інфраструктуру, вайсковыя заводы, бо гэта адпавядае задачам, якія ставіць перад сабой Украіна па абяскроўліванні Расеі і перамогі ў вайне.
- Калі будзе магчымасць зладзіць паветраную трывогу ў Маскве, мусіць, гэта трэба рабіць. Але вы павінны разумець, што вайна - гэта рэсурсы. Калі ёсць, напрыклад, 100 ракет, імі лепш раздзяўбці парты Новарасійска або Казань, дзе знаходзяцца вайсковыя заводы, – тлумачыць кіроўны партнёр «Нацыянальнай антыкрызіснай групы».
На яго думку, так лягчэй дабіцца адпаведнага эфекту, бо «біцца галавой аб сценку», каб пераадолець сістэму СПА ў Маскве, не факт, што будзе мэтазгодным.
- Таму будуць вызначаць вайскоўцы. Я ўпэўнены, што яны знойдуць правільнае развязанне, - падсумаваў Тарас Загародні.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
