Нацыянальная каманда Беларусі ў пляжным футболе выйшла ў паўфінал ЧС-2025

За выхад у фінал беларусы згуляюць з пераможцам пары Сенегал - Італія.

У чацвер, 8 траўня, прайшоў матч 1/4 фіналу чэмпіянату свету ў пляжным футболе, у якім нацыянальная каманда Беларусі сустракалася з Іранам.

Беларусь — Іран — 4:3 (Брыштэль, 18, 26, Гардзецкі, 27, Рабко, 29; Масумі, 12, 32, Махамадруп, 36).

Турнір праходзіць на Сэйшэльскіх Астравах, піша betnews.by.

Беларусы падчас сустрэчы саступалі Ірану. У першым перыядзе тэрытарыяльную перавагу сваёй каманды рэалізаваў Махамад Масумі. У беларусаў пасля першай 12-хвілінкі не было ніводнага ўдару ў створ.

Затое далей падапечныя Нікаласа Альварада здолелі сысці ў адрыў. На рахунку Ігара Брыштэля дубль. Ён мог забіць і больш, але ў 3-м перыядзе не рэалізаваў пенальці. Галкіпер нацыянальнай каманды Ірана парыраваў удар з «кропкі».

Яшчэ па галу забілі Анатоль Рабко і Ягор Гардзецкі.

У канцы сустрэчы спаборнік скараціў разрыў у ліку, але не змог перавесці гульню ў экстра-тайм.

У паядынку за выхад у фінал беларусы згуляюць з пераможцам пары Сенегал - Італія. Іх матч стартуе 8 траўня а 18:00.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]