ЕЗ рыхтуе тарыфны ўдар у адказ Трампу

Пад прыцэлам - самалёты, аўто і бурбон.

Еўразвяз падрыхтаваў спіс амерыканскіх тавараў, якія могуць патрапіць пад новыя мыты ў адказ на тарыфную палітыку прэзідэнта ЗША Дональда Трампа, паведамляе РБК-Украіна са спасылкай на Politico.

У чацвер Еўрапейская камісія прапанавала захады ў адказ на тарыфы ЗША на амаль 100 мільярдаў еўраў амерыканскага імпарту.

Якія тавары патрапяць пад новыя тарыфы

У пералік увайшлі самалёты, легкавыя аўтамабілі, медыцынскае абсталяванне, хімікаты і пластык, а таксама шэраг сельскагаспадарчых тавараў. Таксама ў спіс вярнулі бурбон і іншыя моцныя напоі, хаця раней вінаробныя краіны, такія як Францыя і Італія, ціснулі на Камісію, каб яны былі выключаныя са спісу.

Паводле інфармацыі выдання, гэта толькі частка 200-старонкавага пераліку з больш за 4800 тавараў, складзенага еўрапейскімі гандлёвымі чыноўнікамі. Паводле Eurostat, імпарт гэтых тавараў у ЕЗ у 2024 годзе перавысіў 109 млрд еўраў.

ЕЗ таксама разглядае магчымасць абмежавання экспарту металалому і хімічнай прадукцыі на суму 4,4 мільярда еўраў.

Гэты спіс дапаўняе ўжо існыя захады ў адказ з боку ЕЗ, уведзеныя пасля шэрагу беспаспяховых спроб аслабіць гандлёвае напружанне з ЗША.

Пазоў у СГА і перамовы

Паралельна Брусэль плануе падаць пазоў у Сусветную гандлёвую арганізацыю (СГА) праз увядзенне адміністрацыяй Трампа так званых узаемных тарыфаў, а таксама тарыфаў на аўтамабілі і аўтазапчасткі. Пакуль не зразумела, калі менавіта афіцыйна пачнецца гэты працэс.

Нягледзячы на гэта, сапраўднай мэтай ЕЗ застаюцца «перамоўныя развязанні з ЗША», заявіла прэзідэнтка Еўракамісіі Урсула фон дэр Ляен.

- У той жа час мы працягваем рыхтавацца да ўсіх магчымых сцэнароў, і кансультацыі, якія мы сёння пачалі, дапамогуць нам у гэтай неабходнай працы, - адзначыла фон дэр Ляен.

Спіс новых мытаў ЕЗ яшчэ можа змяніцца - да 10 чэрвеня кампаніі і краіны-сябры ЕЗ павінны падаць водгукі і аргументы па выключэнні адчувальных тавараў са спісу, каб пазбегнуць трапляння пад мыты ў адказ з боку Трампа.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]