Reuters: У першым з'яўленні Леў XIV даў тры важныя падказкі аб сваім папстве
17- 9.05.2025, 11:41
- 19,906
Новы пантыфікат будзе адрознівацца ад палітыкі Ватыкана за Францішкам.
З першых хвілін на балконе сабора Святога Пятра Папа Леў XIV даў тры важныя падказкі аб тым, якім будзе ягонае папства.
Як піша Reuters, першай падказкай Льва быў ягоны выбар імя. Рэч у тым, што Папы часта выкарыстоўваюць гэты выбар, каб даслаць свой першы важны сігнал аб прыярытэтах свайго папства.
Выданне ўказала, што Францішак узяў сваё імя ад святога Францішка Асізскага XIII стагоддзя, які адкінуў багацце і клапаціўся пра бедных. Апошні Папа, які ўзяў імя Леў, Леў XIII, засяродзіў сваё папства ў 1878-1903 гадах на абароне правоў працоўных.
«Абраўшы імя Леў XIV, ён паказаў, што адданы сацыяльнаму вучэнню царквы», - сказаў езуіцкі каментатар Томас Рыз.
Другой падказкай Льва быў ягоны выбар мовы і слова, якія ён прамаўляў, што рабіла відавочны акцэнт на неабходнасці міру.
Ніводная з ягоных прамоў перад вернікамі, якія сабраліся на плошчы Святога Пятра, не была на ангельскай, а хутчэй на італьянскай мове - мове папства, і кароткі пераход на гішпанскую, каб прывітаць сваю былую грамаду ў Перу. ЗША ён не згадаў.
«La pace sia con tutti voi!» (Мір вам!), першыя словы новага Папы на публіцы, пераклікаліся з прывітаннем, якое католікі ўжываюць у святы, але таксама, як адзначыла выданне, гэта непасрэднае пасланне міру свету, які раздзіраецца войнамі.
Новы Папа сказаў, што хоча падзяліцца мірам Божым, назваўшы яго «раззброеным светам і светам, які разбройваецца», «сціплым і трывалым».
Трэцяя падказка Папы Льва была ў ягоным выбары адзення.
У адрозненне ад Францішка, які адкінуў усе атрыбуты папства, у тым ліку і ў першы дзень свайго абрання ў 2013 годзе, Леў надзеў традыцыйнае чырвонае папскае адзенне па-над сваёй белай расай.
Такім чынам ён даў зразумець, што ён новы і зусім іншы Папа.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
