«Крамбамбуля» выпусціла першую песню за восем гадоў

Сінгл называецца «Толькі перамога!».

Праект «Крамбамбуля» легендарнага беларускага музыканта Лявона Вольскага 9 траўня апублікаваў новую песню – «Толькі перамога!». Гэта першы рэліз калектыву за восем гадоў.

Раней Лявон Вольскі анансаваў выхад новага сінгла ў сваім Facebook - падпісанты музыкі на Patreon нават маглі паслухаць песню на тыдзень раней.

«Нам адна дарога – толькі перамога/Колькі б воўк не валок, павалакуць і воўка», – спявае ў сінгле Вольскі.

Агулам стылістыка аранжыровак і самой песні адсылае да апошняй вялікай працы «Крамбамбулі» — «Паўстанцкага» альбома «Чырвоны штраль», які выйшаў у 2015 годзе. Пасля гэтага гурт выпусціў толькі адну песню — «Партызаны каляднага лесу», якая была прадстаўленая ў канцы 2017-га.

Праект «Крамбамбуля» быў створаны ў Менску з падачы Вольскага ў 2001 годзе, у запісах бралі ўдзел многія вядомыя музыканты: Сяргей Міхалок з «Ляпіса Трубяцкога», Аляксандр Кулінковіч з Neuro Dubel. Гурт граў пераважна поп-рок з характэрнымі іранічнымі тэкстамі. Пазней Многія створаныя праектам песні ператварыліся ў гіты. Самыя папулярныя на Spotify - «Госці», «Абсэнт», «Турысты», «Dolce Vita», «Каб мы калі каму чаго».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]