«Беларускасць мая, прыналежнасць да краіны зрабілі мяне шчаслівай асобай»

Сёння старшыні Рады БНР Івонцы Сурвіле спаўняецца 89 гадоў.

Старшыня Рады БНР Івонка Сурвіла нарадзілася ў Стоўбцах, першыя гады жыцця правяла ў Засуллі, потым з бацькамі пераехала ў Баранавічы. Юнацтва правяла ў Еўропе: Усходняя Прусія, Данія, вучоба ў Вышэйшай мастацкай школе ў Парыжы, затым на лінгвістычным аддзяленні Сарбонскага ўніверсітэта, піша «Салідарнасць».

Івонка Сурвіла рыхтавала беларускія перадачы на іспанскім радыё, працавала ў Бюро перакладаў пры Федэральным урадзе Канады, стала сузаснавальніцай і старшынёй канадскага Фонду дапамогі ахвярам Чарнобылю ў Беларусі.

Ад 1997 года яна ўзначальвае Раду БНР.

– Я была беларускай, верыла, што я беларуска, і не патрабавала нічога іншага. І беларускасць мая, прыналежнасць да краіны зрабілі мяне шчаслівай асобай, — зазначала Івонка Сурвіла ў адным з інтэрв’ю.

Усе гэтыя гады, праведзеныя ў эміграцыі, яна выступае за незалежнасць нашай краіны, лічыць безумоўна неабходным захоўваць беларускасць, абараняць нашую мову і культуру. І застаецца сімвалам, маральным арыенцірам для соцень тысяч беларусаў, як у краіне, так і раскіданых па ўсім свеце.

Рэдакцыя Charter97.org шчыра віншуе Івонку Сурвілу з народзінамі.

Вы можете поддержать сайт Charter97.org следующим образом:

РАСЧЕТНЫЙ МУЛЬТИВАЛЮТНЫЙ СЧЕТ ДЛЯ ПОЖЕРТВОВАНИЙ:

Название банка: Bank Millennium S.A.
Адрес: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Название владельца счета: Fundacja “KARTA ‘97”
Назначение платежа: Darowizna na cele statutowe

Связаться с нами можно по адресу [email protected]